شكلك خايف يامعلم

بسم الله الرحمن الرحيم
سؤال لو راجل جاوب علية
فى البداية عايز اسالك سؤال بينى وبينك جاوب فى سرك انت بتخاف انا شايفك مطخن صوتك وبتقول مابخافش( غير من ال خالقنى )ماشى ياعم الجامد بس انا حاسس انك بتقول فى سرك ربنا ال عالم بيا
مالك سكت كده ليه؟..انت خايف؟..طبعا انت خايف..انا شايف الخوف فى عينيك..طيب خايف من مين؟ من مراتك
و لاّ من الرئيس؟ فكرك مايروحش بعيد أقصد رئيسك فى العمل..و لاّ خايف من العسكرى ؟ و لاّ من الظابط؟ولا من شيخ المعهد.دة. عمك فلان صاحب ابويا وعمك فلان ابن خال سيدى يعنى العملية واحد. طول بالك .و لاّ خايف من العميد ؟.عميد الكلية يعنى .قوللى فضفض..قول اللى فى نفسك..انا شايف واحد بيقول ياعم انا ماليش دعوة. كمل بس للأخر
قوم أتحرك..اعمل حاجه..غير النظام.فكرك مايروحش بعيد ياعم.اذا كان عندك فيديو 2 نظام..غيرة ب 3 نظام.اذا كنت مشترك فى دش مركزى وبتدفع كل شهر عشرة 15 جنى. حاول تجيب دش لوحدك.اذا كنت خايف من مدير المدرسة قرب منة واكسبة .من المدرسين صاحبهم.من ابوك خلية صاحبك وقرب منة واعلم انة يتمنى ان تكون احسن منة. اذا كانت مراتك هى رجل البيت ..غير النظام و خليك رجل البيت..اذا كنت خايف من رئيسك فى العمل..غيّره يا اما تغير العمل..هتفضل خايف لأمتى؟
خدت ايه من الخوف غير الذل و المهانه..سامعك بتقول ياعم الحلو انا مبخاااااااااااافش وطى صوتك بس . انا مصدقك عارف انك مبتخافش .كدة وكدة يعنى علشان تهدأ بس .اتحرك اعمل حاجه أى حاجه..
قول بحبك قول كرهتك قول ومايهمكش حاجة كما قال العندليب الاخضر.بص ياعم .امشى فى الشارع و قول: انا مش جبان..انا شجاع..قولها 50مرة فى ..اليوم وشوف النتيجه ايه..و بعدين روح البيت و أشخط فى مراتك و قول لها: انا مش جبان..انا شجاع 50مره
و شوف النتيجه ايه..و أعمل نفس الشيىء مع العسكرى و بعدين مع رئيسك فى العمل..اذا كنت لسه عايش بعد اللى انت قلته ..يبقى انت نجحت فى الامتحان و اتعالجت خلاص..بعد كده..يبقى تقدرتعمل حاجات كتير..انت عارفها
واذا كنت مت يبقى الله يرحمك و مت شهيد..و اذا كنت متكسر و نايم فى المستشفى..يبقى يكفيك شرف المحاوله و أحساسك بأنك قلت : لأ ..مرة من نفسك قبل ما تموت جبان.
وفى النهاية وانا لسة ماسمعتش منك كلمة( لا) بعد ماخرمت ودنى وقلت ( انا مبخاااااافش) واحب اعرفك كمان هذة كلمات واحد قال مرة واحدة( لا ) وكانت هذة اخر كتاباتة وبعد ماكتبها حصل ...........؟ انت خفت لية ياعم ماتخافش وسيبها على الله انت لا بتشحت ولا بتقول لله انت عايز بس تثبت لنفسك انك مبتخافش وانك فعلا زى ماقلت وطخنت صوتك (انا مبخااااااااااااااااافش)