حياتنا كلها بقت كدة وكدة

حياتنا كلها بقت كدة وكدة
مبدأ كأن مسيطر على الوضع
كل حاجة جوا البلد بقت كدة وكدة.............بقينا ماشيين نمثل على بعض
الطالب بيروح يتعلم فى المدرسة مع ان هو مش ح يستفاد حاجة من مدرسين أكلهم السوس من فقر مرتباتهم....وأهله متأكدين أنه مش بيستفاد حاجة ومع ذلك مصريين يودوه المدرسة مع أن بيدفعوا دم قلبهم دروس خصوصية............وحكومة ممثلة فى وزارة التعليم متأكدة أنها بتصرف فلوس البد على الفاضى
طلاب فى الجامعات أتسابقوا قبل كدة فى الثانوى وجابوا مجاميع تعدى الـ 90 % ودخلوا كليات متأكدين أنهم بعد كدة ح يطلوا عواطلية..........برضه كدة وكدة

الصبح تعدى على المحلات
تلاقى كل محل العمال فاتحين وبينضفوا ويرشوا مية ومشغلين قرآن
طيب بيسمعوا القرآن.....لا
مشغلينه كدة وكدة
ولو حتى سمعوا برضه بيسمعوا كدة وكدة

تفتكروا أحنا كمان بنكتب كدة وكدة
وليه لأ
ما أحنا فى مجتمع كدة وكدة.....