بسم الله الرحمن الرحيم
أنا والعصافير وكفر السودان
أدخل فى الموضوع ع طوووووووووووول كنت فى يوم من الايام اتمشى على ترعة بلدنا الجميلة وبعد مسافة من مزرعة الحاج عبد الحميد غازى الشهيرة بــــمزرعة (دار ابو العنين ) وجدت شجرة توت كبيرة ووجدت عليها عصافير كثيرة قولت ماشاء الله اليوم يومك ياحج واحد من الناس ومسكت بيدى بعض من الحجارة ونظرت الى العصافير جميعا وأخذت اقذف عليهم الحجارة لكى اصيب اى عصفورة ولكن دون جدوى فأخذت افكر قليلا وقولت لنفسى اية الهبل دة كل العصافير دى ومش عارف اصطاد واحدة * قولت ياد تعمل اية انت تضع تركيزك كلة على عصفورة واحدة وتجرب وتسيبك من الباقى بدل الهبل ال انت فية دة وبالفعل ركزت ع صاحبة النصيب وهب نشن يامعلم تيجى الحجارة فى الصميم ال هو دماغها طبعا وتنزل المعدولة على الارض ولكن بعد ان فارقت الحياة قولت هو دة طبعا سيادتك بتقول اية قسوة القلب دى طول بالك شوية الكلام دة وانا لسة صغير ياعم . واحد تانى يقول وعملت اية فى العصفورة فقيدة الشباب قصدى فقيدة العصافير ال ألقت مصرعها اقولك طبعا القيتها فى الترعة قصاد ارض عمك امين واحد تانى يقولى وعمل اية عمك امين . الموضوع كبير وانت كدة خرجت من الفكرة ال انا بحكيلك القصة من أجلها جلست مع نفسى وقولت ياااااة ياعم امين ايييييييييية عم امين مين شوفت بقة خرجتنى من الموضوع ازاى قصدى يااااااااة لنفسى ومن ساعتها وحياتك اخذت القصة دى فى كل تصرفاتى لا افكر فى اشياء كثيرة فى وقت واحد اركز فى عمل واحد واتقنة ولا اسوف لغد اى لا أؤجلة لبكرة يعنى حلوة القصة طبعا سيادتك بتقول ماشى خلاص الواحد يركز فى شئ ويعملة وبتقول طاب الموضوع دة اية ال فتحة احنا فى عيد واخر سنة وشتا وبرد ونور قاطع واسعار غالية وهتدخل فى السياسة ماعلينا اقولك ياعم انا حكيتلك قصتى مع العصفورة الفقيدة دى لية ال كانت وش السعد والهنا عليا عرفتنى راسى من رجليا ينفع مقطع اغنية صح خليك معايا اغنية اية اقولك انا قولت الموضوع دة لية انا من فترة متابع دفتر الزوار وجدت افكار جميلة مثل الاتوبيس فكرة الاخ مصطفى يونس حبيب قلبى وفكرة الرصف للأخت عاشقة كفر السودان وفكرة دار تحفيظ قرأن للاخت ملكة القلم وايضا قاعة مناسبات وموضوع قمامات الزبالة والخ .... ووجدت استاذى ومعلمى الاستاذ سعد ربيع ربنا يبارك لنا فية مؤيد فكرة الاستاذ مصطفى يونس انا سعيد جدا بهذة الاراء وبالفعل بدأت الان كفر السودان فى التقدم بأبنائها لأنهم اصبحو يد واحدة وتفكير واحد ولكن عندما شاهدت كثرة المشاريع تذكرت قصة العصافير الموجودة على الشجرة تعجبنا كثرتهم فلا نستطيع تنفيذ اى مشروع منهم ياريت نركز فى شئ الان ونبدأ بية ولو شئ بسيط نأخذ خطوة ايجابية ونتفق جميعا علية واحدة واحدة مشروع مشروع وبكدة نصطاد كل العصافير قصدى ننفذ كل المشاريع
انا متأكد ان الفكرة وصلت لأنى بكلم عقليات عبقرية عقليات ابناء بلدى كفر السودان أجمل وأطيب بلد
انا أسف على الإطالة فى هذا الموضوع ( من حق للحديث بقية نسيت اقولكم وانا بأكل بلح عند كوبرى بونو اية ال حصل ابقو معنا فى الجزء الثانى ان شاء الله والله بحبكم جدا سلام مؤقت
واحد من الناس
» فرصه لمن يريد العمل بشركات السياحه ووكالات السفر على مستوى العالم
» اقوى العروض الصيفيه للمنح المدعمه و المجانيه فى مصر لااشهر الدبلومات و الكورسات العالميه
» اقوى عرض تدريبى فى مصر لكورس اماديوس و مصر للطيران ومصر للطيران
» الرجل الذي تحدى القرآن..!!
» هل تمر بك لحظات ضعف ؟؟!!
» لؤلؤة وصياد سمك قصة رائعة
» حصري على Kafrelsoudan وبس أكبر مكتبه برامج بورتابل على ماى ايجى وبس وعلى أكتر من سيرفر
» سبع محظورات بعد تناول الوجبات