منتدى كفر السودان ملتقى كل فرد من كفر السودان معا نتشاور ونتشارك ونتواصل كأسرة واحدة

المواضيع الأخيرة


    علشان ربنا يحبك ..

    شاطر

    أبو زياد

    عدد المساهمات : 96
    تاريخ التسجيل : 15/12/2009
    العمر : 32
    الموقع : www.kafrelsoudan.malware-site.www

    علشان ربنا يحبك ..

    مُساهمة  أبو زياد في الخميس فبراير 18, 2010 12:36 pm

    طبعاً كلنا بنحب ربنا .. لكن يا ترى ربنا بيحب مين مننا ؟

    وإيه إحساسك لو عرفت إن ربنا بيحبك انتَ ؟؟

    طيب تعمل إيه علشان ربنا يحبك ؟؟

    طيب لو ربنا أحبّك .. تفتكر هيعمل معاك إيه ؟؟

    تعالوا نشوف كدة ..

    علشان ربنا يحبّك :

    في الحديث الصحيح ، قال النبي صلى الله عليه وسلم : " إن الله قال : من عادى لي وليا فقد آذنته بالحرب ، وما تقرب إلي عبدي بشيء أحب إلي مما افترضت عليه ، وما يزال عبدي يتقرب إلي بالنوافل حتى أحبه "

    عرفت السر ؟؟؟؟؟؟؟؟

    تفضل تقرب لربنا ، متكتفيش بالفرائض بس وتقول كثر خيري ..

    لأ .. تبدأ تزود في النوافل .. تصوم اثنين وخميس ، تصوم 3 أيام من كل شهر ، تصلي نوافل ( 12 ركعة سنن راتبة ، قيام ليل ) ، تطلع صدقات ولو ربع جنيه كل يوم .. وهكذا



    تقرب إلى الله بالنوافل بعد إتمام الفرائض ..

    طيب ليه ؟؟

    لأنك بتحبه .. واللي بيحب ، بيتقرب لحبيبه بكل ما يستطيع ويتودد له ويقدم له أحلى ما عنده ..

    ليه ؟؟

    علشان يحبه ، ويبادله هذا الحُب بحب ..

    ولله المثل الأعلى ..

    حُب ربنا مختلف تماماً عن حُب البشر .. فهو رب البشر ورب الكون ومالك المُلك الذي ليس كمثله شيء ..

    طيب لما ربنا يحبك ، تفتكر هيعمل معاك إيه ؟؟

    تعاولو نكمل الحديث ونشوف :

    "......... فإذا أحببته : كنت سمعه الذي يسمع به ، وبصره الذي يبصر به ، ويده التي يبطش بها ، ورجله التي يمشي بها ، وإن سألني لأعطينه ، ولئن استعاذني لأعيذنـّه ، وما ترددت عن شيء أنا فاعله ترددي عن نفس المؤمن ، يكره الموت وأنا أكره مساءته " صحيح البخاري

    يعني ربنا هيتولاك تماماً ولا يوكلك إلى نفسك في أي شيء في حياتك ..

    طبعاً لا نمثل ولا نكيف ولا نشبه لذات الله عز وجل ..

    هاه .. مش نفسك ربنا يحبك ؟؟

      الوقت/التاريخ الآن هو الإثنين نوفمبر 20, 2017 2:30 am