منتدى كفر السودان ملتقى كل فرد من كفر السودان معا نتشاور ونتشارك ونتواصل كأسرة واحدة

المواضيع الأخيرة


    نظرية الشوال

    شاطر

    أبو زياد

    عدد المساهمات : 96
    تاريخ التسجيل : 15/12/2009
    العمر : 32
    الموقع : www.kafrelsoudan.malware-site.www

    نظرية الشوال

    مُساهمة  أبو زياد في الأربعاء ديسمبر 30, 2009 11:39 am


    ## نظرية الشوال ##


    لو ان في ملك من الملوك له عبدين ( خادمين ) وأمر كل واحد منهما أن يذهب الي المكان الفلاني ليأتي كل واحد منهما له بشوال ثقيل



    وبالفعل الشوال تقيل علي اي واحد فيهم ...

    وكل واحد من العبدين او الخادمين يعلم ان الشوال تقيل عليه .. ولكن إختلف رد فعل كل واحد فيهم أمام سيده الملك فكان الاول رد فعله

    1- قال الاول أنا لن اذهب لاحمل هذا الشوال ... الملك قال ليه ؟؟ قال العبد لان الشوال ده تقيل عليا

    الملك قاله : يابني انت جربت ؟

    قاله : انا عارف نفسي وعارف قدرتي وهو تقيل عليه ...

    فقال الملك طيب روح ومش هتلاقيه تقيل ..

    قال الخادم لاء ده تقيل وانا مش هقدر اشيله .... ( هذا موقف العبد الاول )

    2- العبد الثاني : راح عشان يشيل الشوال وهو عارف انه تقيل ... فقال للملك الشوال ده تقيل عليا .. قال له الملك مثل ما قال للاول

    اذهب ومش هتلاقيه تقيل .. وبالفعل راح العبد يشيل الشوال بس لقاه بالفعل تقيل ...

    فقام الملك بمعاقبه الأول ... وقام بإرسال المساعده للثاني

    ولله المثل الأعلى

    " لَيْسَ كَمِثْلِهِ شَيْءٌ وَهُوَ السَّمِيعُ البَصِيرُ " [الشورى : 11]

    ربنا سبحانه وتعالى أمر العباد ببعض الاوامر وبعض التكاليف وقال :

    " لاَ يُكَلِّفُ اللّهُ نَفْساً إِلاَّ وُسْعَهَا "


    فكانت ردود فعل العباد مختلفه

    فكان رد فعل بعضهم كرد فعل العبد الاول ... من غير ما يجرب ومن غير ما يسمع الكلام ومن غير ما ياخد حركه رفض كلام الله وعصاه وقال من الاول انا مقدرش اسيب الاغاني .. ازاي اسيبها .؟؟ ازاي اقضي وقتي من غيرها ؟؟؟

    بالفعل تركها صعب لمن تعود عليها بس انا بقولك ربنا امرك بشيء وقال انك هتقدر ... جرب يا اخي ولو ربنا سبحانه لو علم ان الامر عليك صعب هيساعدك بس يكفي انك اخذت خطوه ليه

    قال الله في الحديث القدسي ..

    من تقرب إلى شبراً تقربت إليه ذراعاً ومن تقرب إلي ذراعاً تقربت اليه باعاً ومن اتاني يمشي أتيته هروله ...


    يعني ربنا سبحانه وتعالي أمرك ببعض الأوامر ... حتى لو الظاهر قدامك انها صعبه خد على الاقل خطوه ليها وشوف ربنا هيساعدك ازاي ...

    زي ما الملك أمر الخادم بأمر وكان صعب عليه بعت ليه كمان واحد ساعده لان مش هدف الملك انه يعذب الخادم

    ولله المثل الاعلي

    هل ربنا خلقنا ليعذبنا ؟؟؟

    لأ طبعاً

    ربنا قال :

    { مَّا يَفْعَلُ اللّهُ بِعَذَابِكُمْ إِن شَكَرْتُمْ وَآمَنتُمْ وَكَانَ اللّهُ شَاكِراً عَلِيماً } [النساء : 147]


    وقال :


    { وَاللّهُ يُرِيدُ أَن يَتُوبَ عَلَيْكُمْ وَيُرِيدُ الَّذِينَ يَتَّبِعُونَ الشَّهَوَاتِ أَن تَمِيلُواْ مَيْلاً عَظِيماً } [النساء : 27]


    فربنا يريد انه يتوب علينا .. ازاي بقى يصعب علينا التوبه ؟؟!!

    لكن في الآيه ربنا قال ويريد الذين يتبعون الشهوات ان تميلوا ...

    يعني الناس العصاه مش حابب لوحده يغرق لازم يجرك معاه ...


    فيا اخي الفاضل ويا اختي الفاضله


    لما نسمع أمر من ربنا .. بلاش نرفض ونقول انا مقدرش لاننا كده بنقول ان ربنا بيظلمنا وبيعجزنا !

    مش يمكن ربنا أمرنا الامر ده بس عشان يرى مننا الاستجابه وسرعة الاستجابه ..

    وبعد كده لما نييجي ننفذ أمر ربنا

    ربنا هيخفف عنا او يزيدنا قوه تعيننا علي العمل الصعب ..

    او يرزقنا صحبه صالحه تعين ...

    فالاخ الي مش عارف يسيب التدخين بحجه انه صعب

    مش عارف يسيب صحبته عشان صعب

    مش عارف يتصدق عشان خايف ينقص ماله

    خايف يبقى انسان كويس عشان محدش يتريق عليه



    خايف خايف خايف خايف ....


    ياعم هو أنت جربت ؟؟

    جرب ولكن مش من باب التجربه ( لأن طريق الله لا يُجرب .. )

    لازم عشان تجربتك دي تنجح



    لازم تكون واثق في التجربه دي



    يعني بتتصدق واثق ان مالك هيزيد

    وانت بتقول الحق تتاكد ان :



    { إِنَّ اللَّهَ يُدَافِعُ عَنِ الَّذِينَ آمَنُوا إِنَّ اللَّهَ لَا يُحِبُّ كُلَّ خَوَّانٍ كَفُورٍ }[الحج : 38]



    فبالله فكر ... قبل أن ترفض امر الله واعلم ان الله سيساعدك ولكن يجب ان تُري الله منك سرعة استجابتك ...

    وشكرا ...


    كتبه : أخوكم ( الحياة حلوة )

    نسألكم الدعاء بظهر الغيب .


    ...................................

    منقول من موقع أحلى حياة في طاعة الله

      الوقت/التاريخ الآن هو الأحد سبتمبر 24, 2017 1:20 pm