منتدى كفر السودان ملتقى كل فرد من كفر السودان معا نتشاور ونتشارك ونتواصل كأسرة واحدة

المواضيع الأخيرة


    خيبة راكبة جمل

    شاطر

    واحد من الناس

    عدد المساهمات : 100
    تاريخ التسجيل : 23/03/2010

    خيبة راكبة جمل

    مُساهمة  واحد من الناس في الخميس مارس 25, 2010 12:21 am

    بص حضرتك زى مافيه بسبوسة بالقشطة.... قطايف بالمكسرات...
    بطاطس باللحمة.... ملوخية بالأرانب ...
    ففيه خيبة بالويبة
    وفية خيبة راكبة جمل
    أما عن الخيبة اللى راكبة جمل عن إشمعنى الجمل فتفسيرها معروف
    يقال إن الخيبة ظهرت منذ قديم الزمان ... أيام ما كانت الجِمال وسائل مواصلات..
    فمش معقول يتقال خيبة الأمل راكبة مرسيدس ..أو شبح .أو همر مثلاً
    فجرت العادة إنهم يقولوا إنها راكبة جمل... على قد علمهم بقى
    هاتقولى ماكان فيه خيول و...و...
    هاقول لحضرتك القافية تحكم...
    ماهو زى ماحضرتك عارف إن الناس تسيب كل حاجة فى إيدها وتقعد تألف أمثال... شعبنا يا استاذنا شعب...
    دا غير إن الناس كانت تقول راكبة جمل تفاؤلاً ببطئ الجمل وإن الخيبة وهى راكبة جمل هاتبقى خيبة بمزاج وجاية على الهادى مش بسرعة ونكروت خيبة الناس وماتعرفش الناس فى الحالة دى تخيب بضمير
    المهم علشان ما اطولش عليك .....قول طول

    بص هو احنا عندنا خيبه بالويبه صحيح

    بس خيبتنا دلوقتى بقا غير كل خيبه فى اى زمن يعنى على الاقل الفراعنه

    عملو حضاره و عرفو يتقنو حاجه تعيش 4000 سنه

    ان كانت صوره فى معبد او عمود قديم او حتى موميا

    بس احنا بقا دلوقتى بنتقدم فى الخيبه فلم يتقن المصرى حتى ما يأكله
    و العمود اللى بيبنيه دلوقتى بيتهد فى دماغه و دماغ اهله
    لم يتقن او يخترع المصرى ما يركبه

    لم يتقن او يخترع المصرى ما ينير له طريقه

    فهل تعتقد فى يوم انه سيعرف يمشى على طريقه

    لقد ترك المصرى نفسه لغيره لكى يصنعو له و يخترعو له فهنيئاً له

    ترك لغيره يصنع طعامه و شرابه

    ترك لغيره يصنعله احلامه

    فها هو المصرى الجديد فرعون من يومه سايب العالم يعمله كل حاجه و هو يدفع اصله متريش و معاه فلوس

    اصله مش فاضى لا يصنع و لا يتقن و لا يخترع حاجه

    المصرى مش فاضى

    وراه نيو لووك و موبايل بكاميرا و دش بكاما و همبورجر بالكاتشب و مسابقات بالهبل

    و خيبه بالويبا

    مع انى حاسس ان خيبتنا دلوقتى خيبه بالكوسا و القرع

    بس احنا اللى سايبين نفسنا كدا

    احنا جوانا طاقات و افكار و دماغ جامده جدا بس مفيش فرصه نتنفس

    محبوسين جوا نفسنا

    و لا تنسو ان خير جند الارض هم جند مصر

    احنا جوانا خير كتير بس يا خوفى ننساه و ننسى ازاى نصنع و ازاى نفكر و يا خيبتنا

    لو جيبنا حد يفكرلنا

    تصدقو احنا فعلا محتاجين حد يفكرلنا

      الوقت/التاريخ الآن هو الأربعاء أكتوبر 18, 2017 1:09 am