منتدى كفر السودان ملتقى كل فرد من كفر السودان معا نتشاور ونتشارك ونتواصل كأسرة واحدة

المواضيع الأخيرة


    يالى سامعنى ادينى ودنك

    شاطر

    واحد من الناس

    عدد المساهمات : 100
    تاريخ التسجيل : 23/03/2010

    يالى سامعنى ادينى ودنك

    مُساهمة  واحد من الناس في الخميس مارس 25, 2010 12:18 am

    اللى سامعنى
    ادينى ودنك
    سيبهالى حبة
    وما تخدهاش
    عندى نصيحة
    سهلة مريحا
    لوجه الله
    صدق وببلاش
    اوعاك تقرا
    فى يوم جرنان
    حتى النشرة
    ما تشفهاش
    لو هتابع كده
    راح تتعب
    وهتصبح بائس
    مخنوق
    وعشان كده
    انا عندى الوصفة
    اللى معاها
    دغرى تروق
    قول انا عربى
    حاسس بالعزة
    عشر مرات كده
    قبل النوم
    قول انا جى
    ياقدس يا غزة
    والاغوات
    جيلهم يوم
    هتنام تحلم
    انك فعلا
    فى الاقصى
    بتصلى العيد
    او لو مشيت
    وياك حبة
    فوق بغداد
    راح تبقى رشيد
    جرب تكسب
    ولا راح تتعب
    دى طريقة
    ومفعولها اكيد
    دى خلاصة
    تجربة العربى
    ومن غيرها
    مش اتبقى سعيد

    اما ان كنت
    عايزلك حل
    يريح بالك
    كدا على طول
    اخبط راسك
    كدا فى الحيطه من غير زيطه
    من غير قول
    هتنول سعدك
    لو مكتبلك
    تفقد عقلك
    ولا تموت
    ان مت الكل
    هيرتاح
    وان عشت
    هتصبح مبسوط
    علشان راح تبقى
    من السعده
    مش م البعده
    العــــاقليــن
    هتشوف دنيانا
    كما الوردة
    وانت قاطفها
    من البساتين
    هتشوف كل
    خيانه امانة
    والخرفان هتشفها
    اســـــــــود
    هتشوف ان
    الامة انتفضت
    صبحت امة
    وليها وجود
    دغرى مشاكلك
    راح تتحل
    من غيرتفكير
    او تخطيط
    حتى القادة
    هيحبوك
    هيخلوك
    اخر تزبيط
    علشان انت
    بقيت فى نظرهم
    شخص مثالى !!
    يعنى عبيط
    ودا تأثير
    الفكرة بتعتى
    شفت ازاى
    انا كنت حويط
    ايه رأيك فى
    الفكرة يا هذا ؟
    فكرة واد
    أخر تفنيط
    وعشان كده
    راح نبدأ فورا
    مع بعض ومن
    غير تنطيط
    احنا عرب
    حاسين بالعزة
    بكره هنيجى
    ياقدس يا غزة
    فين الحيطة ؟
    لجل منخبط
    راسنا ونشعر
    سوى باللذة
    ههههههههه

    يارب تجننكوا
    لأ
    لامؤاخذة
    اقصد يارب تعجبكم

      الوقت/التاريخ الآن هو الخميس ديسمبر 14, 2017 5:30 pm