منتدى كفر السودان ملتقى كل فرد من كفر السودان معا نتشاور ونتشارك ونتواصل كأسرة واحدة

المواضيع الأخيرة


    14 سنة خدمة فى ثانوى ..وبتقولى اقف

    شاطر

    واحد من الناس

    عدد المساهمات : 100
    تاريخ التسجيل : 23/03/2010

    14 سنة خدمة فى ثانوى ..وبتقولى اقف

    مُساهمة  واحد من الناس في الأربعاء مارس 24, 2010 11:44 pm


    خـدمـة في ثـانـوي ؟؟؟!!



    [center]قبل اى شئ بلاش اى طالب فى الثانوية العامة يشاهد هذا الموضوع لأنة مضر جدا بالصحة
    قريت في الجرايد خبر خفيف
    بيقول ان في شاب هندي سقط في الثانويه العامه ...الهندية طبعا ... 33 مره ...متتاليه
    ولسه مصمم ياخدها .. والعجيب انه اضرب عن الجواز لغايه ماينجح فيها
    ...جه في بالي المدارس بتاعتنا.. وسنه 6 اللي حذفوها وبعدين رجعوها تاني ... والثانويه العتمه قصدي الغامه ... يوووووووه قصدي العامه ..
    اللي كانت سنه واحده ..وبعدين عملوها سنتين ..



    وبعدين هيرجعوها سنه واحده تاني .......


    من غير مايسالونا في اي تغيير .. بس بيقولو انه للصالح العام ....
    ومش عارف ليه افتكرت مسرحيه الجوكر ..
    بتاعه عم ايوب لما بيقول ماليش دعوه انا عاوز اقعد هناااك ....
    . ولما يقعد هناك يبئى عاوز يرجع تاني الناحيه اللي كان فيها ..

    ومن كتر التفكير في الموضوع وصلت بذكائي طبعا .
    لان يمكن تكون الوزاره نفسها تساعد الحكومه ..
    وهتساعدنا بردو بلاش النيات السيئه دي ... يعني هتضرب عصفورين بحجر

    تغير النظام 100 مره علشان تلخبطنا وتصعب علينا الامتحانات ....حفاظا على صحتنا النفسيه
    .اصلنا ممكن ننجح .. وندخل كليات ونتخرج .. طيب هتقع الحكومه في حيص بيص ..
    هتجيبلنا وظايف منين .. وبكده هنتعقد .
    .وده مش كويس علينا فالاحسن اننا نصرف وقتنا فيما يفيد وهي طبعا المذاكره ..والقلق على المستقبل
    دا حتى الشقي اللي بينجح ويروح الكليه بيعقدوه هناك ... دي خطه وماحدش بيهرب منها
    اما العصفور التاني ياحلوين ... اننا نضرب عن الجواز ... زي الهندي ده ... .
    . ماهو محدش له عين يقول لبابا اتجوز وهو لسه ماخدش ثانويه ...هيقوله طيب يافالح
    لما تبقى تنجح اطلب اللي انت عاوزه

    اما الشقي المشاغب الوحش اللي عرف يهرب من الثانوي ويتخرج من الكليه له حل بردو .
    . اوعو تفتكرو ان مشاكله انتهت .. دا عند ام كيكي زي ما بيقولو
    واضرابنا ده عن الجواز ..هيكون بردو للصالح العام .. ومصلحه المجتمع .. وتحديد النسل .. وخفض النفقات


    .
    لكن علشان احنا وحشين .. اشقيا ومش بنسمع الكلام .. يبقى نستاهل
    شفتو بقى ؟؟ اننا مش بنعرف مصلحتنا فين ؟؟ وبنزعل لما اسئله الامتحان تيجي مش مفهومه ...
    ويتغير علينا النظام 100 مره ... وتتسرب الاسئله لمجموعه بسيطه من الطلبه هم بس اللي ينجحو ويجيبو مجموع ..
    طبعا احنا مالناش حق.....
    ومش مقدرين تعب الحكومه الذكيه معانا
    بلا مذاكرة بلا تعليم احسن علي ايه الدروس والمراكز والفلوس
    وفي الاخر الامتحانات بيطالبو اللي حطينها انهم يتحجزو في مستشفي الامراض العقلية ؟؟
    احنا نعمل زي عادل امام في بخيت وعديلة احسن :
    حقكو عليا يا حكومة انا هقفل المحل خالص ..
    حزبي الله ونعم الوكيل
    يا تري احنا رايحين فين
    اخوكم شنكوتى
    كان طالب قديم فى الثانوية زى ماتقولى كدة 14 سنة خدمة فى ثانوى

      الوقت/التاريخ الآن هو الثلاثاء سبتمبر 18, 2018 3:40 pm