منتدى كفر السودان ملتقى كل فرد من كفر السودان معا نتشاور ونتشارك ونتواصل كأسرة واحدة

المواضيع الأخيرة


    عشرين جنيه بقلم واحد من الناس

    شاطر

    أحمد شاكر

    عدد المساهمات : 6
    تاريخ التسجيل : 18/12/2009

    عشرين جنيه بقلم واحد من الناس

    مُساهمة  أحمد شاكر في الأربعاء مارس 24, 2010 2:29 pm

    عشرين جنية....
    بابا ...
    يانعم...
    عايز موبايل طحن
    نعم ياخويا
    عايز...موبايل طااااااااااااحن
    أجرى ياد من هنا



    بابا
    يانعمين
    عايز موبايل أن 73 او 95 هو حتى 96
    مين
    عايز ....موبايل
    لو ماغرتش من وشى الساعة دى ح اصور قتيل فى البيت

    بابا
    أتنيل عايز ايه
    عايز عربية من اللى بتمشى الريموت
    ودى فين دى
    اللى شوفنها مع عمو عبد المجيد
    والله لو مامشيتش من قصادى لكون ماسح بيك الأرض

    بابا
    يقطع بابا وسنين بابا.....عايز أيه
    هو احنا ليه مش اغنيا زى أبو محمد اللى ساكن قصادنا؟؟؟؟
    ومين قالك انه غنى
    ماهو محمد عنده عربية. اللى قولتلك عليها....

    ...وعنده موبايل إن 95 ومظبط نفسة يابابا
    هنا بقى ياحضرات لازم يكون فيه وقفة
    دماغ الواد ح تروح بعيد
    ودماغى ح تصفى وانا مش ناقص
    لازم نعمل درس وغسيل مخ
    وهنا أبتدى درس الـ 20 جنيه
    خليكم معنا
    فاصل أعلانى قصير .
    عدنا
    لازم لما لقيت أبنى أبتدى يبص على اللى فى أيد أصحابه وخصوصاً أن الوسط والجيران ذو مستوى مادى مرتفع لا يقارن بموظف مثلى
    فيه وقفة
    تعال ياأحمد
    أقعد
    عارف يعنى أيه رزق
    رزق مين يابابا أنا معرفش حد بالأسم ده
    لا رزق ربنا
    أه ه ه ه ه ه ه ه ه
    تعرف ربنا عمل أيه فى الناس كلها
    أيه
    أدى لكل واحد منهم 20 جنيه
    هه....يعنى ايه
    يعنى ربنا قسم الأرزاق للناس كأنه مثلاً أدى لكل واحد 20 جنيه
    أه فهمت
    بس فيه ناس خدت العشرين جنيه فى الأول كلها مرة واحدة وفيه ناس خدتها بالتقسيط يعنى كل شوية ياخدوا جزء وفيه ناس مستنين عليها شوية وح تاخدها فى الآخر
    أه انا فاهم كدة
    بس ياسيدى
    كل واحد خد العشرين جنيه بتاعته نزل بيها السوق
    اللى أشترى تفاح واللى أشترى موز واللى أشترى برتقال.....كلهم أشتروا حاجات مش شبه بعض...... مختلفة....لكن قيمتها كلها واحدة.....فاهم كدة
    أه يابابا ...أحكى على طول.....أنجز
    واحنا طالعين من السوق بقى كل واحد يبص للى فى أيد غيره فى اللى فى أيده البرتقال بيقول ياسلام ده معاه تفاح جميل ........واللى معاه التفاح .....بيقول ده معاه برتقال كتير ....واللى معاه موز بيقول يعنى لو كنت خدت شوية برتقال على تفاح
    محدش عاجبه رزقه ....مع انهم كلهم جايبين الحاجات بقيمة واحدة......فاهم كدة
    ياسيدى ماقولنا فاهمين.....أنجز بقى وكمل
    هو بقى الرزق بتاع ربنا كدة يابنى.....نفس الشئ والمثل .....فاهم....

    طيب وماله ده بكونى عايز أن 95.وعربية...هو لازم تتوهنى علشان ماأطلبهمش

    أعمل بقى فيه ايه .....أصوت وأجرى حافى فى الشارع والناس يقولوا ده أتجنن او اموتة او اموت نفسى

      الوقت/التاريخ الآن هو السبت مايو 26, 2018 9:29 am