منتدى كفر السودان

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى كفر السودان ملتقى كل فرد من كفر السودان معا نتشاور ونتشارك ونتواصل كأسرة واحدة

المواضيع الأخيرة

» بشرى ساره لمن يرغب العمل فى مجال التنميه البشريه
ياترى انا كان اسمى اية ؟ بقلم واحد من الناس Emptyالأحد أغسطس 18, 2013 8:19 am من طرف iecs-ra

» فرصه لمن يريد العمل بشركات السياحه ووكالات السفر على مستوى العالم
ياترى انا كان اسمى اية ؟ بقلم واحد من الناس Emptyالأحد أغسطس 18, 2013 8:18 am من طرف iecs-ra

»  اقوى العروض الصيفيه للمنح المدعمه و المجانيه فى مصر لااشهر الدبلومات و الكورسات العالميه
ياترى انا كان اسمى اية ؟ بقلم واحد من الناس Emptyالخميس مايو 31, 2012 8:09 am من طرف IECS-H

» اقوى عرض تدريبى فى مصر لكورس اماديوس و مصر للطيران ومصر للطيران
ياترى انا كان اسمى اية ؟ بقلم واحد من الناس Emptyالخميس مايو 31, 2012 7:44 am من طرف IECS-H

» الرجل الذي تحدى القرآن..!!
ياترى انا كان اسمى اية ؟ بقلم واحد من الناس Emptyالجمعة يناير 20, 2012 7:47 am من طرف أبو زياد

» هل تمر بك لحظات ضعف ؟؟!!
ياترى انا كان اسمى اية ؟ بقلم واحد من الناس Emptyالإثنين ديسمبر 12, 2011 2:57 am من طرف أبو زياد

» لؤلؤة وصياد سمك قصة رائعة
ياترى انا كان اسمى اية ؟ بقلم واحد من الناس Emptyالأربعاء أغسطس 17, 2011 2:12 pm من طرف أبو حذيفة

» حصري على Kafrelsoudan وبس أكبر مكتبه برامج بورتابل على ماى ايجى وبس وعلى أكتر من سيرفر
ياترى انا كان اسمى اية ؟ بقلم واحد من الناس Emptyالإثنين أغسطس 15, 2011 4:33 pm من طرف خالد الجوف

» سبع محظورات بعد تناول الوجبات
ياترى انا كان اسمى اية ؟ بقلم واحد من الناس Emptyالجمعة أبريل 22, 2011 1:47 pm من طرف أبو زياد


    ياترى انا كان اسمى اية ؟ بقلم واحد من الناس

    avatar
    أحمد شاكر


    عدد المساهمات : 6
    تاريخ التسجيل : 18/12/2009

    ياترى انا كان اسمى اية ؟ بقلم واحد من الناس Empty ياترى انا كان اسمى اية ؟ بقلم واحد من الناس

    مُساهمة  أحمد شاكر الأربعاء مارس 24, 2010 2:27 pm

    بسم الله الرحمن الرحيم

    الله أكبر الله أكبر..أذان الظهر..
    -يارب.. يارب بحق ده الآدان تنجح يا سوسو يابن ابنى وأشوفك دكتور قد الدنيا
    -ياجدتى بس أنا فى تجارة
    -وماله يابنى هو يكتر على
    ربنا...... ده ربنا قادر على كل شئ
    -ياجدتى ونعم بالله بس اللى بيطلع دكتور لازم يكون فى كلية الطب مش التجارة
    -ياللا تجارة تجارة ..ومالها التجارة ..دى حتى التجارة شطارة..ده الله يرحمه جدك كان تاجر فى الوكالة أد الدنيا
    -ياجدتى التجارة اللى فى الوكالة حاجة واللى فى الكلية حاجة تانية
    -ع العموم شد حيلك أنته وانا أخلى جدك يخدك معاه الوكاله عشان تتدردح وتتودك فى السوق
    -جدى إيه اللى هايخدنى معاه .....ده جدى مات من زمان ياستى
    -يامصيبتى عبد الواحد مات..ياحبيبى ياأخويا..مكنش يومك ياسبعى
    -ياجدتى ده ميت من تلتين سنة
    -تلتين سنه..ده العمر بيجرى ياولاد تصدق ولا حسيت بيهم....ياللا أهو غار فى داهيه....قطع وقطعت سيرته..ده كان بخل الدنيا فيه..أن ما عمره دخل عليه ببطيخة ولاكيس جوافة
    -ياجدتى حرااام عليكى عايز أذاكر بقى
    -يوه..وأنا ماسكاك ياوله..ذاكر ...ذاكرعشان ربنا يكرمك وتنجح وتاخد الدبلون
    -ياجدتى دبلون إيه..أسمه البكالوريوس
    -أنته عتضحك عليه ياوله..أسمه الدبلون الواد ابن فايزة جدع زيك كده فى مدرسة التجارة وخد
    الدبلون
    -خلاص دبلوم دبلوم ياجدتى ..سيبينى بقى عشان أذاكر
    -ذاكر ..ذاكر ياأخويا ذاكر... تعرف ياواد ..ندرن عليا يوم ماتنجح لأكون رايحه خاطبالك عبير بت رئيسه....دى إيه ياواد.. أدب- وأخلاق..وعلام كمان
    -ياجدتى عبير دى معاها أعدادية
    -وماله يابنى ...الراجل مايعبهوش إلا جيبه
    -راجل ...راجل مين ياستى...عبير دى بنت
    -عبير ...عبير مين ياوله..أنته بتعرف بنات من ورانا
    -لا إله إلا الله....أبوس رجلك ياستى أرحمينى بقه
    -طب ذاكر....ذاكر جتك نيله وأنته طالع براوى كده زى أمك....قطعت وقطعت سيرتها...أنامش عارفه أبوك كان أجوزها على إيه..حكم...قال لبس البوصة تبقى عروسة..بس واللى نبى النبى نبى لكون مبوظه الخطوبة دى ومجوزاه أنيسة بت أختى
    -ياجدتى خطوبة إيه..أبويا مجوز أمى من خمسة وعشرين سنة ..وبعدين أنيسة دى بنت أخوك مش بنت أختك ..وأساسا إنتى ملكيش إخوات بنات
    -صحيح ياوله ..أنته عندك حق أنا مليش إخوات بنات..أصلى أناأمى ماكنتش بتخلف صبيان
    -حراااااااااااااااااااااااااااااااااام ..... .......جدتى ماتطلعى البلكونة شويه ...ده الهوا
    حلو بره

    -ولا اقولك روحى المطبخ ...أهو زمان أمى خلصت الرز
    -رز...رز إيه يابنى....هوأنا ليه سنان للرز...أناهطلع البلكونه أحسن
    -طب أبقى خلى بالك م الهوى ياجدتى
    -هوى لما يلطشك
    الحمد لله أخيرا خرجت وقدرت أذاكر .. رحت الأمتحان تانى يوم وربنا كرمني وحليت كويس لكن للأسف المراقب سحب مني الورقة قبل ما أكتب أهم حاجة فيها

    ياترى أنا كان إسمى إيه؟؟ ياترى كان إسمى إيه؟؟

      الوقت/التاريخ الآن هو الخميس مارس 28, 2024 11:10 am